1 kg qo‘lda terilgan paxta uchun narxlar oshdi

Avvalroq, paxta terish xizmati haqi uchun 1 oktyabrdan yangi tarif o‘rnatilgani haqida xabarbergan edik. Avvalgi tarifga ko‘ra 1 kilogramm qo‘lda terilgan paxta uchun 500 so‘m miqdoridagi mablag‘ to‘lanishi belgilangan edi.

16 oktabr kuni O‘zbekiston Respublikasi Vazirlar Mahkamasining yangi qarori bilan sentyabrda o‘rnatilgan narxlar o‘z kuchini yo‘qotib, yangi tarif bo‘yicha 1 kg qo‘lda terilgan paxta uchun terimchilarga 700 so‘mdan to‘lanishi belgilandi.

Toshkent viloyati, Qashqadaryo viloyatining Mirishkor, Nishon, Koson va Kasbi tumanlarida har bir kg paxta uchun 100 so‘mda qo‘shimcha narx to‘lanishi belgilandi. Ushbu imtiyoz Jizzax va Sirdaryo viloyatlarida ham amal qilishi aytilgan.

Zohirshoh Jo‘raev