29 sentyabr. Bugun qanday kun ekanligini bilasizmi?

BMT ma’lumotlariga ko‘ra, har kuni ishlab chiqarilayotgan oziq-ovqat mahsulotlarining uchdan bir qismi isrof qilinadi yoki tayyorlash jarayonida chiqitga chiqadi. 

Rivojlanayotgan mamlakatlarda mahsulotlarning 40 foizi hosil o‘rim-yig‘imida yoxud sanoat  korxonalarida nobud bo‘ladi. Rivojlangan davlatlarda esa, sotib olingan oziq-ovqatlarning 40 foizi chiqindiga tashlanadi. 

2019 yil 19 dekabrda BMT Bosh assambleyasining 52-yalpi majlisida qabul qilingan rezolyusiyasiga binoan, har yilning 29 sentyabr sanasi Oziq-ovqatni isrof qilishga qarshi kurash kuni deb e’lon qilingan. 

Joriy yilda ilk bor o‘tkazilayotgan ushbu sananing maqsadi butun dunyoda isrofgarchilikning oldini olish, ne’matlarning qadriga yetishni keng miqyosda targ‘ib qilishdan iborat.