Adham Ikromov O‘zbekiston Respublikasi Sog‘liqni saqlash vaziri etib tayinlandi

O‘zbekiston Respublikasi Bosh vazirining o‘rinbosari Adham Ikromov Sog‘liqni saqlash vaziri etib tayinlandi. Ma’lumotlarga ko‘ra, u Bosh vazir o‘rinbosarligini ham saqlab qoladi. Bu haqda “Gazeta.uz” xabar bermoqda. 

Adham Ikromov 2012-yilda Bosh vazir o‘rinbosari etib tayinlangan, hukumatda Sog‘liqni saqlash, ekologiya, atrof-muhitni muhofaza qilish, jismoniy tarbiya va sport masalalari kompleksiga rahbarlik qiladi. Bungacha u 2009—2012-yillarda Sog‘liqni saqlash vaziri lavozimida faoliyat yuritgandi. 

2012-yildan beri vazirlikni boshqarib kelgan Anvar Alimov Respublika ixtisoslashgan endokrinologiya maxsus ilmiy-amaliy tibbiyot markazi direktori etib tayinlandi.