Avstraliyada boshiga pichoq qadalgan o‘rdak qidirilmoqda

Avstraliyalik zoologiya himoyachilari boshiga pichoq qadalgan holda suratga tushirilgan o‘rdakni qidirmoqda, deb xabar berdi Vesti.ru nashri.

Dastlabki ma’lumotlarga ko‘ra, o‘rdak Avstraliyaning Neyrn shahridagi xiyobonlardan birida yashaydi. Hayvonlarni himoya qilish xizmati xodimlari uni xiyobondan qidirib topa olmadi.

Avstraliya qonunlariga binoan hayvonlarga nisbatan qilingan shafqatsizlik uchun katta jarima to‘lanadi yoki to‘rt yilgacha ozodlikdan mahrum etish jazosi tayinlanadi. Hukumat jabrlangan o‘rdakka veterinar yordami kerakligi tufayli uni topishda fuqarolardan yordam so‘radi.