Beyonse muxlislariga egizak farzand kutayotganligini ma’lum qildi

Mashhur xonanda Beyonse turmush o‘rtog‘i, reper Jey Zi bilan egizak farzand kutayotganligini ma’lum qildi, deb xabar berdi “1tv.ru” nashri.

“Gremmi”ning bir nechta nufuzli mukofotlariga sazovor bo‘lgan Beyonse o‘zining ijtimoiy tarmoqlardagi sahifasida bu haqda xabar qoldirdi va fotosuratini joylashtirdi.

Juftlikning besh yoshli Blyu-Ayvi ismli qizchasi bor. Beyonsining Jey Zi bilan turmush qurganiga 10 yil bo‘ldi. Ular Amerika shou-biznesining eng boy, eng chiroyli, eng obro‘li juftligi nomiga sazovor bo‘lgan.