Chempionlar ligasi musobaqasi qachon boshlanishi rasman e’lon qilindi

Yevropa futbol assotsiatsiyalari ittifoqi (UEFA) kubok bahslarini davom ettirish sanasiga oydinlik kiritdi. Bu haqda tashkilot matbuot xizmati xabar bermoqda.

Ma’lum qilinishicha, Chempionlar ligasi musobaqasining guruh bosqichi bahslari 20 oktyabrdan boshlanadi. 22 oktyabr kuni esa Yevropa ligasi o‘yinlariga start beriladi.

Saralash bosqichlarining boshlanishi iyul oyi oxirida rejalashtirilgan.

Eslatib o‘tamiz, koronavirus xavfi tufayli Belorussiya chempionatidan tashqari, Yevropadagi barcha futbol musobaqalari to‘xtatildi.