Endi konsert-tomosha uyushtiruvchilar ham soliqqa tortiladi

2020 yil 1 yanvardan O‘zbekistonda yangi Soliq kodeksi kuchga kirdi. Unga ko‘ra, endilikda konsert-tomosha faoliyatini amalga oshiradigan shaxslar ham soliqqa tortiladi.

Kodeksning 476-moddasi (Soliq stavkalari) 4-bandida shunday deyiladi:

Konsert-tomosha ko‘rsatish faoliyati bilan shug‘ullanish uchun litsenziyaga ega bo‘lgan yuridik va jismoniy shaxslarni (shu jumladan norezidentlarni) jalb etish yo‘li bilan ommaviy tomosha tadbirlarini tashkil etishdan daromadlar oladigan yuridik shaxslar uchun soliq stavkasi 5 foiz.

Kodeks bilan kalendar yil soliq davri, yil choragi hisobot davri etib belgilangan.