Farrux Zokirov ham davlat telekanallariga qaytarildi

Avvalroq, O‘zbekiston milliy teleradiokompaniyasi tasarrufidagi telekanallar O‘zbekiston xalq artisti Yulduz Usmonovaning qo‘shiqlarini namoyish etishni boshlagani haqida xabar bergan edik.
 
Ancha yillardan buyon davlat telekanallarida ko‘rinmaydigan san’atkor, O‘zbekiston xalq artisti Farrux Zokirov va “Yalla” ansamblining qo‘shiqlari ham telekanallar efiridan o‘rin olishni boshladi.
 
Afsonaviy “Yalla” guruhi solisti O‘zbekiston xalq artisti Farrux Zokirov ayni damda 70 yoshni qarshilagan. Xonanda hamon to‘y va tadbirlarda faol. Zokirov qachon so‘nggi bor TVga chiqqaniyu, “Yalla” oxirgi konsertini qachon taqdim etganini ko‘pchilik eslolmaydi.
 
Ma’lumotlaraga qaraganda, Farrux Zokirov va Yulduz Usmonova konsert berish uchun tayyorgarlik ko‘rishmoqda.