Fotogalereya: Koronavirus hujumi mikroskop ostida

Amerikada joylashgan bir necha laboratoriyalarning olimlari yangi turdagi COVID-19 koronavirusi infeksiyaga chalingan organizm hujayralariga hujum qilishi tasvirlangan suratni e’lon qildi.

Dastlabki ma’lumotlarga ko‘ra, SARS-CoV-2 nafaqat o‘pkada, balki nafas olish yo‘llarining yuqori qismlarida, shuningdek, inson ichaklarida ko‘payadi. Aniqlanishicha, tomoqdan olingan shilliq namunasining virusli RNKsini test qilish kasallik belgilari paydo bo‘lmaganida ham samarali hisoblanadi.

Bu yangi virusni 2003-yili o‘tkir og‘ir respirator sindromini (atipik pnevominiya) keltirib chiqargan SARS-CoV’dan ajratib turadi.

Uni nafas olish yo‘llarining yuqori qismidan olingan tahlillar yordamida doim ham aniqlab bo‘lmagan, virusli RNKning zichlik cho‘qqisi keyinroq sodir bo‘lgan.

Taxminlarga ko‘ra, yangi virus kasallikning dastlabki bosqichlarida — belgilar nafas olish yo‘llarining yuqori qismiga infeksiya tushganini ko‘rsatgan vaqtda faolroq tarqaladi.

Bu kabi xulosaga Bundesver mikrobiologiya instituti tadqiqotchisi Roman Velfel boshchiligidagi Germaniya va Buyuk Britaniya olimlari kelgan. Ularning ishi 1-aprel kuni Nature jurnalida chop etilgan. “Korrespondent.net” koronavirusning olimlar tomonidan mikroskop ostida suratlarni to‘plab taqdim etdi.