Hindistonda ikki boshli chaqaloq tug‘ildi

Hindistonda qorin sohasida ikkinchi boshi joylashgan chaqaloq qiz dunyoga keldi. Aslida bu parazit egizak bo‘lib, uning bir qo‘li ham bor edi.

Jaypur shahridagi JK kasalxonasida hind shifokorlari to‘rt soatlik jarrohlik operatsiyasini o‘tkazib, o‘simtani muvaffaqfiyatli olib tashladilar. Ayni damda go‘dak o‘zini yaxshi his qilmoqda.

“Ikkinchi bosh” yaxshi rivojlanmagan bo‘lib, uning ko‘z va quloqlari ham bo‘lmagan. Jarrohlarning aytishicha, bu “bosh” qizaloqni kerakli ozuqa moddalaridan mahrum qilib turgan.

OAV qayd etishicha, chaqaloqlarning parazit egizak bilan tug‘ilishi kamdan-kam uchraydi – million chaqaloqdan bittasi shunday tug‘ilishi mumkin. Ushbu jarrohlik operatsiyasi 26 aprelda o‘tkazilgan bo‘lsa-da, OAV bu haqda endi xabar berdi.

Akmal Eshonxonov