​Hindistonda yovvoyi fil 4 kishini o`ldirdi

Hindistonning Tamilnad shtatida yovvoyi filning hujumi oqibatida 4 kishi, shu jumladan 12 yoshli qiz halok bo`ldi, ikki kishi tan jarohati oldi, deb xabar qildi Ria.ru nashri.

Yovvoyi fil kechasi uylardan biriga, odamlar uxlab yotgan xonaga bostirib kirgan, ikki kishi va 12 yoshli qizga hujum qilgan. Shundan keyin dalaga yo`l olib, u erda ham ikki nafar ayolni toptagan. Tan jarohati olgan odamlarning hammasi kasalxonaga keltirilganiga qaramay, ularning hayotini saqlab qolishning iloji bo`lmadi. Yovvoyi filning chorshanba kuni o`rmondan chiqqanligini aksariyat odamlar ko`rgan. O`rmon xo`jaligi departamenti xodimlari yovvoyi filni aholi yashaydigan punktdan olib chiqish yo`llarini izlamoqda. Ekologlarning fikricha, filning g`azablanishiga odamlarning ular yashaydigan joyga borib, bezovta qilgani va qurg`oqchilik sabab bo`lgan.