Jessika Alba muxlislari uchun ajoyib yangilik

Xonanda va aktrisa Jessika Alba turmush o‘rtog‘i Kesh Uorren bilan yangi mehmon kutishyapti. 36 yoshli aktrisa shaxsiy hayotiga oid yangilik qachon keng ommaga tarqalishini kutib o‘tirmay, uchinchi farzandga homiladorligini ma’lum qildi.

Jessika Alba Instagram sahifasiga qizlari – 9 yoshli Onor hamda 6 yoshli Xevenning birinchi va ikkinchi raqamli pufak, o‘zi esa uchinchi raqamli pufakni ko‘tarib turgan rasmni joylashtirdi.

Aktrisaning muxlislari uni allaqachon yaxshi yangilik bilan qutlashmoqda. Qiziq, bu safar Albaning farzandi o‘g‘ilmi yoki yana qiz bo‘larmikan? Muxlislarni mazkur savol ham qiziqtirmoqda.

Ma’lumot uchun, Kesh va Jessika 2004 yildan buyon birga hayot kechirmoqda.

Nigina Hakimova