Karantin davrida bozorlardagi narx-navo qanday?

O‘zbekistonda dehqon bozorlarida oziq-ovqat mahsulotlarining narxi ma’lum bo‘ldi. Davlat statistika qo‘mitasi O‘zbekistonning hududlardagi markaziy dehqon bozorlarida, joriy yilning 24 mart kuni o‘tkazilgan kuzatuv natijalari bo‘yicha xulosalarini taqdim etdi.

Bozorlarda alohida turdagi oziq-ovqat mahsulotlarining minimal-maksimal narxlari quyidagi ko‘rinishga ega bo‘ldi:

Mol go‘shti (suyaksiz go‘shtidan tashqari) 37 000 so‘mdan 60 000 so‘mgacha (kg)

Kuzatuv natijasiga ko‘ra, 1 kg mol go‘shtining (suyaksiz go‘shtidan tashqari) minimal narxi, Nukus shahrining “Nukus dehqon bozori”da qayd etilgan (37 000 so‘m). Mol go‘shtining maksimal narxi esa, Toshkent shahrining “Oloy dehqon bozori” va “Mirobod dehqon bozori”da kuzatildi (60 000 so‘m).

Qo‘y go‘shti 39 000 so‘mdan 70 000 so‘mgacha (kg)

Qo‘y go‘shtining minimal narxi kuzatuv natijasiga ko‘ra, Toshkent shahrining “Qo‘yliq dehqon bozori” va “Mirobod dehqon bozori”da (39 000 so‘m) ro‘yxatga olingan. Maksimal narxi esa, Toshkent shahrining “Oloy dehqon bozori”da (70 000 so‘m) kuzatildi.

Kartoshka 2 500 so‘mdan 6 000 so‘mgacha (kg)

Olib borilgan kuzatuv natijalariga ko‘ra, kartoshkaning minimal narxi Namangan shahrining “Namangan chorsu dehqon universal bozori”, Samarqand shahrining “Siyob dehqon bozori”, “Damariq dehqon bozori”, Toshkent shahrining “Oloy dehqon bozori” va “Farhod dehqon bozori”da qayd etilgan (2 500 so‘m). Maksimal narxi esa, Toshkent shahrining “Oloy dehqon bozori”da (6 000 so‘m) qayd etildi.

Piyoz 1 000 so‘mdan 4 000 so‘mgacha (kg)

Kuzatuv natijasiga ko‘ra, piyozning minimal narxi Guliston shahrining “Guliston dehqon bozori”da (1 000 so‘m) ro‘yxatga olindi. Maksimal narxi esa, Urganch shahrining “Urganch markaziy dehqon bozori”, Toshkent shahrining “Oloy dehqon bozori” va “Mirobod dehqon bozori”da kuzatildi (4 000 so‘m).

Sabzi 500 so‘mdan 5 000 so‘mgacha (kg)

Sabzi mahsulotining minimal narxi kuzatuv natijasiga ko‘ra, Termiz shahrining “Markaziy dehqon oziq-ovqat bozori”da (5 00 so‘m) qayd etilgan. Maksimal narxi esa, Toshkent shahrining “Mirobod dehqon bozori”da (5 000 so‘m) kuzatildi.

Tuxum 4 000 so‘mdan 10 000 so‘mgacha (10 dona)

Tuxum mahsulotining kuzatuv natijasiga ko‘ra minimal narxi Yangiyo‘l shahrining “Ixtisoslashgan Yangiyo‘l shahar dehqon bozori”, Toshkent shahrining “Qo‘yliq dehqon bozori”da qayd etildi (4 000 so‘m). Maksimal narxi esa, Toshkent shahrining “Oloy dehqon bozori”da qayd etilgan (10 000 so‘m).

Guruch 3 800 so‘mdan 18 000 so‘mgacha (kg)

Kuzatuv natijalariga ko‘ra, guruch mahsulotining minimal narxi Nukus shahrining “Nukus dehqon bozori”da ro‘yxatga olingan (“Nukus” navli guruch 3 800 so‘m). Maksimal narx esa, Toshkent shahrining “Mirobod dehqon bozori”da kuzatildi (“Lazer” navli guruch 18 000 so‘m).

O‘simlik yog‘i 8 000 so‘mdan 13 500 so‘mgacha (litr)

O‘simlik yog‘i mahsulotlarining kuzatuv natijasiga ko‘ra minimal narxi Toshkent shahrining “Qo‘yliq dehqon bozori”da (mahalliy paxta yog‘i 8 000 so‘m) kuzatildi. Maksimal narxi esa, Chirchiq shahrining “Chirchiq shahri dehqon bozori” hamda Toshkent shahrining “Eski jo‘va dehqon bozori”, “Oloy dehqon bozori”, “Farhod dehqon bozori”, “Qo‘yliq dehqon bozori” va “Mirobod dehqon bozori”da (kungaboqar yog‘i 13 500 so‘m) kuzatildi.

Shakar 5 500 so‘mdan 6 500 so‘mgacha (kg)

Shakar mahsulotining kuzatuv natijasiga ko‘ra minimal narxi Toshkent shahrining “Farhod dehqon bozori”, “Mirobod dehqon bozori”, “Eski jo‘va dehqon bozori” va “Qo‘yliq dehqon bozori”da (5 500 so‘m) qayd etildi. Maksimal narxi esa, Nukus shahrining “Nukus dehqon bozori”, Andijon shahrining “Yangibozor dehqon bozori” va “Andijon shahar markaziy dehqon bozori”, Buxoro shahrining “Buxoro markaziy dehqon bozori”, Jizzax shahrining “Jizzax markaziy dehqon bozori” va “Eski shahar dehqon bozori”, Termiz shahrining “Termiz shahar dehqon oziq-ovqat bozori”, “Markaziy dehqon oziq-ovqat bozori” hamda Toshkent shahrining “Oloy dehqon bozori”da (6 500 so‘m) kuzatildi.

Eslatib o‘tamiz, joriy yilning 15 mart kuni O‘zbekistonda koronavirus infeksiyasi yuqtirgan ilk bemor qayd etildi. Buning ortidan mamlkatda krantin rejimi o‘rnatilib, qator cheklolvar o‘rnatildi. Odamlar esa do‘kon va bozorlarga yopirilib, oziq-ovqat g‘amlashga tushdi. Bu holat bozorlarda narxlarning ko‘tarilib ketish xavotirini yuzaga keltirgandi.