Koronavirus epidemiyasi mavsumiy xastalikka aylanadimi?

Rossiyaning “Birinchi kanal” xabariga ko‘ra, “Vektor” Virusologiya va biotexnologiya markazining bosh direktori Rinat Maksyutov yangi turdagi koronavirus bilan hodisalarning kelajakdagi rivojlanishi haqida fikr bildirar ekan, infeksiya oxir-oqibat mavsumiy jarayonga aylanishi mumkinligini ma’lum qildi.

"Epidemiya tugaydi va mavsumiy kasallik formatiga o‘tadi. COVID-2019 inson populyasiyasida tarqalishni davom ettiradi, ammo klassik mavsumiy gripp virusi kabi harakatlanishni boshlaydi. Lekin buning uchun dunyo aholisining 50-60 foizi o‘zida koronavirusga qarshi immunitetni rivojlantirishi kerak" - dedi mutaxassis.