Makgregor Habibning rafiqasini nima deb haqoratlagan?

YouTube-bloger Jeyk Pol irlandiyalik aralash jang san’ati ustasi Konor Makgregorga nega qarshi ekanligini tushuntirdi. Bu haqda TMZ xabar bermoqda.

Eslatib o‘tamiz, Pol Makgregorni boks musobaqasiga chorlagan va irlandiyalik jangchiga 50 million dollarlik shartnoma imzolashni taklif qilgandi. Blogerning so‘zlariga ko‘ra, unga Makgregorning Habib Nurmagomedovning rafiqasi haqidagi so‘zlari yoqmagan.

“U Habibning rafiqasi sochiqqa o‘xshashini aytdi, keyin din haqida ham xunuk so‘zlarni gapirdi", – dedi Pol.

Eslatib o‘tamiz, 2021 yil yanvar oyida Konor Makgregor amerikalik MMA jangchisi Dastin Porye bilan jang qiladi.