Messi "Oltin to‘p"ga munosib futbolchilarni aytdi. Ronaldu yo‘q

"PSJ" hujumchisi Lionel Messi "Oltin to‘p" uchun kurashda kimga ovoz berishini aytdi.

"Albatta, mening jamoamda men ovoz beradigan futbolchilar bor - Neymar va Kilian Mbappe. Boshqa tomondan, ajoyib individual mavsum o‘tkazgan futbolchilar ham bor, masalan, Robert Levandovski va Karim Benzema.

Bu oson emas, chunki "Oltin to‘p"ni qo‘lga kiritish uchun individual darajada ko‘p narsaga erishish kerak. Shu bilan birga, uning og‘irligi bor, masalan, Chempionlar ligasi, Amerika kubogi yoki Yevropa chempionatida g‘olib bo‘lish. Asosiy maqsadlarga erishishingiz - muhim omil", - dedi Messi.