Meva-sabzavotlar qaysi organga o‘xshasa, shunga foyda bo‘ladi

Sabzi parrak qilib kesilganda, odam ko‘ziga o‘xshashini sezganmisiz?
Aslida, meva va sabzavotlar o‘z shakli bilan insonning qaysi organiga foydali ekanini namoyon qiladi. Faqat bunga e’tiborli bo‘lsak bas. Hindiston SIMS Farmatsevtika kolleji tadqiqotchilari o‘z izlanishlari davomida bu masalani kengroq yoritib berishdi.

Selderey – suyak

Seldereyning uzun, ingichka poyalari suyakka o‘xshaydi. U suyaklarni mustahkamlaydi. Tarkibidagi kremniy suyaklarning molekulyar tuzilishining bir qismi hisoblanadi. Yana bir tasodif: suyaklar 23 foiz natriydan tashkil topgani kabi seldereyning tarkibida ham 23 foiz natriy bor. Agar sizning ratsioningizda yetarlicha natriy bo‘lmasa, bu suyaklaringiz zaiflashuviga olib keladi. 

Sabzi – ko‘zlar

Sabzini parrak holda kessangiz, odamning ko‘z qorachig‘iga o‘xshash tasvirni ko‘rasiz. Sabzi vitamin va antioksidantlar manbayi hisoblanadi. U ko‘rish qobiliyatining pasayishiga qarshilik ko‘rsatadi. Uning tarkibidagi beta-karotin katarakta o‘sish xavfining oldini oladi. Shuningdek, ko‘z faoliyati va undagi qon aylanishini ham yaxshilaydi.

Loviya – buyrak

Ko‘rinishidan inson buyragiga o‘xshaydigan loviyalar haqiqatan ham buyrak faoliyatini yaxshilaydi va buyrak xastaliklarini davolashda qo‘l keladi. 

Shirin kartoshka – oshqozon osti bezi

Shirin kartoshka oshqozon osti beziga o‘xshaydi va uning faoliyatini yaxshilaydi. Tarkibidagi beta-karotin tanadagi hamma hujayralarni, jumladan, oshqozon osti bezini ham saraton kasalligi va qarish bilan bog‘liq muammolardan himoya qiladi hamda diabetning glikemik ko‘rsatkichini muvozanatda saqlaydi.

Piyoz – tana hujayralari

Tadqiqotlardan ma’lum bo‘lishicha, piyoz tana hujayralarining chiqindilarini tozalashga yordam beradi. Hatto epiteliy qatlamini yuvish uchun ko‘zlarimizni yoshlatadi. 

Pomidor – yurak

Pomidorni bir parragiga nazar solsangiz, yurak tizimini ko‘rishingiz mumkin. Pomidor tarkibidagi likopen yurak kasalliklarining xavfini qisqartiradi. Agar pomidorga biroz zaytun moyi qo‘shsangiz, u tanangizga likopen so‘rilishini 10 barobarga oshiradi.

Yong‘oq – miya

Yong‘oqning shakli inson miyasining o‘ng va chap yarimsharini, orqa va old miyani o‘zida namoyon qiladi. Uning tarkibidagi Omega-3 moyi miya faoliyatini yaxshilaydi. Shuningdek, u Alsgeymer kasalligi xavfini ham kamaytiradi. 

Bodom – ko‘zlar

Bodom ko‘zlarning shakliga o‘xshaydi va ular uchun foydali hisoblanadi. Tarkibidagi E vitamini teri, soch va ko‘zlarning sog‘lom bo‘lishi uchun muhim. U xolesterin darajasini kamaytirishga ham yordam beradi. Undagi antioksidant qarish jarayonini sekinlashtiradi. Shuningdek, ko‘z atrofidagi qora halqalarni yo‘qotib, so‘lg‘in ko‘zlarni jonlantiradi. 

Qo‘ziqorin – quloq

Ovqatingiz tarkibidagi qo‘ziqorin eshitish qobiliyatini yaxshilaydi. Chunki u D vitaminiga ega kamdan kam mahsulotlar sirasiga kiradi. D vitamini suyaklar, jumladan, ovozni miyaga uzatib beruvchi mayda quloq suyaklarining sog‘lom bo‘lishiga xizmat qiladi.