Narimon Sultonxo‘jaev ilk filmi uchun kasting e’lon qildi

Ko‘plab taniqli xonandalarga esda qolarli kliplar suratga olgan rejissyor Narimon Sultonxo‘jaev ilk marotaba film suratga olmoqda.

Shu munosabat bilan Narimon kino sohasiga qiziqqan, 7 yoshdan 70 yoshgacha bo‘lgan insonlarni kastingga taklif etmoqda. Rejissyor ijtimoiy tarmoqlarda kasting haqidagi ma’lumotlarni videomurojaat tarzida yo‘lladi.

“Qaerda ishlashingiz, yoshingiz, sochingizning rangi va boshqa jihatlar umuman ahamiyatga ega emas. Asosiysi, ko‘zingiz chaqnagan va yuragingizda olov bo‘lsin”, — deydi Narimon Sultonxo‘jaev videomurojaatida.