“O‘zbekenergo” shikoyat va murojaatlarni Telegram orqali qabul qila boshladi

Telegram messenjerida “O‘zbekenergo bilan muloqot” kanali ish boshladi. Bu haqda “O‘zbekenergo” aksiyadorlik jamiyati matbuot xizmati xabar bermoqda.

“Elektr energiyasi bilan bog‘liq muammo va kamchiliklarni bartaraf etish, takliflarni o‘rganish maqsadida ‘O‘zbekenergo’ aksiyadorlik jamiyati xalq bilan muloqot qilishni yanada osonlashtirdi. Yo‘llangan murojaatlar shaxsan jamiyat boshqaruv raisi nazorati ostida o‘rganib chiqilib, batafsil javob qaytariladi”, — deyiladi xabarda.