O‘zbekiston o‘tgan yili qancha neft va gaz qazib oldi?

O‘zbekiston 2017 yilda neft qazib olishni 6,3%ga, 806 ming tonnaga qadar qisqartirdi. Bundan Davlat statistika qo‘mitasi ma’lumotlari darak bermoqda.

Shuningdek, O‘zbekiston o‘tgan yili tabiiy gaz qazib olish hajmini 2016 yil bilan taqqoslaganda 0,5 foizga oshirdi - 56,417 milliard kub metrgacha.

O‘zbekiston korxonalari o‘tgan yili taxminan 4,04 million tonna ko‘mir qazib olishdi, bu 2016 yilga nisbatan 4,4 foizga ko‘pdir.

O‘zbekiston avtomobil benzini ishlab chiqarishni hisobot davrida 2,5%ga – 1,1 mln tonnaga qadar qisqartirdi. Hisobot davrida dizel yoqilg‘isi ishlab chiqarish hajmi 4,5%ga kamaydi - 962,9 ming tonnaga qadar.