Parranda grippi xavfi yana ortmoqda

25 noyabr kuni Germaniya shimolidagi Ikkermyunde shahrida joylashgan hayvonot bog‘ida yashovchi tuyaqush parranda grippi sababli nobud bo‘ldi, deya xabar bermoqda Vesti.
 
Mutaxassislar parrandaning organizmida gripp alomatlarini topishgan.
 
Aytish kerakki, hayvonot bog‘i Polsha chegarasiga yaqin hududda joylashgan. Noyabr oyining boshida mutaxassislar Shlezvig-Flensburg okrugidagi qushlar boqiladigan tashkilotda parranda grippini qo‘zg‘atuvchi viruslarning borligini aniqlashgandi. Ushbu tashkilotda 30 ming qush boqiladi.
 
Virus topilgach, qushlarni yopiq joyda saqlash uchun ko‘rsatmalar berilgan, ogohlantirilgan. Biroq, ma’lum bo‘lishicha, tuyaqushlar ochiq hududlarda sayr qilishgan.

Umida Yakubova