Ronaldu "Manchester Yunayted"da 7-raqamda o‘ynay olmaydi. Sababi ma’lum

"Manchester Yunayted" hujumchisi Krishtianu Ronaldu ingliz klubida 7-raqamni egallay olmadi, deb xabar beradi Goal.com.

Gap shundaki, urugvaylik Edinson Kavani yangi mavsumda yettinchi raqam ostida qayd etildi va Premyer-liga qoidalari mavsum davomida raqamlarni o‘zgartirishni taqiqlaydi. Vaziyat faqat Kavani klubni tark etgandagina o‘zgarishi mumkin.

Hozirda 36 yoshli Ronaldu "Manchester Yunayted"da 12, 15, 24, 30, 31, 33 yoki 35 raqamlarini olishi mumkin.