Xitoy fuqarolariga Rossiyaga kirish taqiqlandi

Rossiya Xitoy fuqarolariga o‘z chegarasini yopmoqda. 20 fevraldan Xitoydan keluvchi barchaga: sayyohlar, talabalar, tadbirkorlarga Rossiyaga kirish taqiqlanadi.

Xitoy fuqarolariga Rossiyaga kirishni taqiqlovchi qarorni Rossiya bosh vaziri Mixail Mishustin imzolagan. 20 fevraldan Rossiyaga sayyohlik, ta'lim olish va shaxsiy maqsadlarda keluvchi xitoyliklarga chegaralar yopiladi.

Ushbu qaror “davlat xavfsizligini ta'minlash, aholi salomatligini himoyalash va yangi koronavirus tarqalishiga yo‘l qo‘ymaslik” maqsadida qabul qilingan.

Shuningdek, Rossiya Xitoy fuqarolarining kirishi uchun hujjatlarni rasmiylashtirishni, jumladan viza uchun hujjatlar qabulini, kirishga takliflar, xorijiy ishchilarni jalb qilish ruxsatnomalarini berishni vaqtinchalik to‘xtatadi. Har qanday hujjatlar qabuli 19 fevraldan to‘xtatiladi.