Xitoyda yuqori magnitudali zilzila sodir bo‘ldi

21 fevral kuni Xitoyning Shinjon-Uyg‘ur avtonom tumanida magnitudasi 5,1 ball bo‘lgan zilzila sodir bo‘ldi. Bu haqda Xitoy seysmologiya markazi (CENC) xabar bermoqda.

Yer osti silkinishi mahalliy vaqt bilan 23:39 da (Toshkent vaqti bilan 20:39) qayd etilgan. Zilzila 10 kilometr chuqurlikda bo‘lganligi aniqlangan.

Ayni damda tabiiy ofat oqibatida jabrlangan va halok bo‘lganlar haqida aniq ma’lumotlar mavjud emas.