Xonanda Hadichadan navbatdagi tarona va klip premerasi

Xalqimizga ketma-ket yangi qo‘shiq va kliplarni taqdim etayotgan xonanda Hadicha bugun “O‘zbegim Taronasi” radiosida premera loyihasining mehmoni bo‘ldi. Ushbu loyiha orqali u o‘zining sokin “Kungaboqar” nomli qo‘shig‘ini taqdim etdi. Tinglovchilar tomonidan ijobiy fikrlar bilan qarshi olingan qo‘shiq, Xushnud Darvesh so‘zi bilan yozilgan. Musiqasini esa Farrux Sohib bastalagan. Kompozisiyani Furqat Bobojonov sayqallagan. Qo‘shiq bilan birga xonanda klipni ham omma e’tiboriga namoyish etdi. Sherzod Umarov rejissyorligida tasvirga oingan video asar trek va syujet janrida. Unda bosh rolni Yulduz Rajabova ijro etgan.

Xonandaning bergan ma’lumotlariga qaraganda, ayni damda yana bir nechta yangi qo‘shiq va kliplar ustida ish olib borilmoqda. Bu haqida batafsil keyingi yangiliklarimizda xabar beramiz. Hozircha “Kungaboqar” qo‘shig‘ini tinglang va klipdan bahra oling.