Yangi xavf: koronavirus kiyimingizga yuqsa...

Koronavirus kir yuvish mashinasining maxsus ish rejimini buzadi, dedi Izvestiya Novosibirsk davlat universiteti biotexnologiya va virusologiya laboratoriyasining mudiri, Rossiya Fanlar akademiyasining muxbir a’zosi Sergey Netesov.

Unga ko‘ra, SARS-CoV va SARS-CoV-2 viruslarining inaktivasiya harorati bir xil. "Genomlarning farqlari bor-yo‘g‘i 20 foizni tashkil qiladi. Virusli zarralar va oqsillarning umumiy tarkibi bir xil. Haroratga qo‘shimcha ravishda har qanday kir yuvish kukunidagi sirt faol moddalar talab qilinadi. Shunday qilib, mening fikrimcha, hatto 60 daraja haroratda yarim soatlik kir yuvish kiyimni xavfsiz qiladi», dedi olim.

Aleksey Kosigin nomidagi Rossiya davlat universiteti mudiri Irina Ribaulinaning so‘zlariga ko‘ra, bunday yuvish rejimiga faqat tabiiy matolardan tayyorlangan buyumlar, masalan, zig‘ir va paxta tolalari bardosh bera oladi.

Yana bir mutaxassis Marina Bogatireva esa nozik matolarni past haroratlarda yuvib, keyin bug‘lab turishni taklif qildi.

Koronavirusni yo‘q qilishning alternativ usuli – virus yuqqan kiyimlarni ikki-uch hafta davomida yopiq sumkada qoldirish, bu davrda bemor o‘sha kiyimini kiymasligi kerak.