Yangiyo‘lda litsey o‘quvchisi 39 yoshli erkakni jarohatladi

Toshkent viloyatining Yangiyo‘l tumanida 10-aprel kuni litsey o‘quvchisi ishtirokidagi jinoyat sodir etildi. Bu haqda IIV jamoatchilik va OAV bilan aloqalar boshqarmasi xabar berdi.

Shu kuni soat 00:30 atrofida “Guliston” mahallasida yashovchi Yangiyo‘l shahar akademik litseyi o‘quvchisi, 2000-yilda tug‘ilgan T.A. uyida o‘zaro janjal oqibatida Nizomiy ko‘chasida yashovchi, 1979-yilda tug‘ilgan Sh. Pazilovning qorniga pichoq bilan urib, jarohat yetkazdi.

Natijada Sh. Pazilov kasalxonaga yotqizildi. T.A. qo‘lga olindi.