"Yolg‘on girdobi" filmining premerasi bo‘lib o‘tdi

16 aprel kuni Alisher Navoiy nomidagi kinosaroyida rejissyor Nozim To‘laxo‘jaevning "Yolg‘on girdobi" nomli filmining premerasi bo‘lib o‘tdi. Kinotaqdimotda film ijodkorlari bilan birga ustoz san’atkorlar, ko‘plab aktyor va aktrisalar, OAV xodimlari va kino ixlosmandlari ishtirok etishdi. Premeraning badiiy qismini "O‘zbekfilm" kinostudiyasi direktori Fotih Jalolov ochib berdilar va barcha film ijodkorlarini birma-bir tanishtirdilar. Unda bosh rollarni Adiz Rajabov, Yulduz Rajabova, Sitora Alimjonova, Rayxon Ulasenova, Boyir Holmirzaev va Nozim To‘laxo‘jaev ijro qilishgan. Film yoshlarni turli aldovlarga uchish va uning ayanchli oqibatlaridan ogoh etadi.