Alisher Navoiy haykali oldida haqoratomuz video olgan yigit qamaldi

Ijtimoiy tarmoqlarda (asosan TikTok’da) Samarqand viloyatidagi Alisher Navoiy haykaliga nisbatan hurmatsizlik qilgan yoshlarning videosi tarqaldi. Viloyat IIB holat yuzasidan rasmiy izoh berdi.

Avvaliga IIB haykali oldida noo‘rin hatti-harakatlar sodir qilgan kattaqo‘rg‘onlik yigitga nisbatan Kattaqo‘rg‘on shahar IIB tomonidan tegishli tartibda hujjatlar rasmiylashtirilayotganini ma’lum qildi.

Keyinchalik u va katta ehtimol bilan uni videoga muhrlagan yigitga nisbatan 15 sutka ma’muriy qamoq jazosi tayinlangani ma’lum qilindi.