Ana xolos! Ayolning ko‘z yoshlarida koronavirus aniqlandi

Italiyaning Ladzaro Spallansani nomidagi yuqumli kasalliklar milliy instituti infeksiya yuqtirib olgan ayolning ko‘z yoshlarida koronavirusni aniqladi. Bu boradagi tadqiqot natijalari Annals of Internal  Medicine jurnalida chop etildi. Bu haqda "Daryo" yozmoqda.

Ta’kidlanishicha, ayolning ko‘z yoshlarida virus RNKsi borligi ma’lum bo‘lgan. Bundan tashqari, uch haftagacha ko‘z yoshi suyuqligida koronavirus izi ketmagan. Bu vaqt orasida virus zarralari soni kamaygan.

Shuningdek, mutaxassislarning qayd etishicha, burun va tomoqdagi shilliq namunalari qoniqarsiz natija ko‘rsatgan taqdirda ham ko‘z shilliq qavatining testlari insonda koronavirus borligi bo‘yicha ijobiy natijalarni berishi mumkin.

Ushbu ma’lumotlar shuni ko‘rsatadiki, ko‘zlar infeksiya tarqalishining potensial manbasi bo‘lishi mumkin.