Baliqli pirog - bir tayyorlab ko‘ring-a!

Zarur masalliqlar:  250-300 gr. un, 180 ml. suv, 1 osh qoshiq xamirturush, 1 osh qoshiq zaytun yog‘i, 1 choy qoshiqdan tuz va shakar. Ichiga: 700-800 gr. baliq go‘shti, yarimta limon bo‘lagi, yarim bog‘ ko‘kat.

Tayyorlanishi: 1. Chuqurroq idishga bir necha osh qoshiq iliq suv solib, shakar, tuz va xamirturush bilan aralashtiring-da, 15-20 daqiqaga qoldiring. So‘ng ustidan zaytun yog‘i, suvning qolgan qismi va undan solib, yumshoq xamir qoring.

2. Baliqni ustidagi tangachalardan tozalab, qanot va bosh qismini olib tashlang. Qorin qismidan asta kesib, ichini Ham yaxshilab tozalang. Baliqning usti va ichiga limon sharbatini surtib, tuz, murch va mayda to‘g‘ralgan ko‘katlar bilan marinadlang.

3. Oshgan xamirni gaz pechi patnisiga olib, qo‘l barmoqlari bilan tekislab yoying. Xamirning o‘rtasiga baliqni qo‘yib, chetini ikki tarafidan qayiring. Uchlarini bir-biriga burab, mustaHkamlang-da, baliq shaklini yasang.

4. Pirog yuzasiga atalangan tuxumdan surtib, 200 daraja Haroratda qizigan gaz pechida 40 daqiqa pishiring.

Tayyorlanish vaqti: 45 daqiqa.