GM Uzbekistan avtomobillarni sotishni vaqtincha to‘xtatdi

O‘zbekiston Respublikasi Prezidenti qarori bilan O‘zbekistonda GM Uzbekistan avtomobillari joriy yilning 1 iyunidan milliy valyuta – so‘mda sotila boshlanishi haqida xabar bergan edik.

GM Uzbekistan AJ tomonidan avtomobillar qoldiqlari inventarizatsiya qilinishi munosabati bilan joriy yilning 29 mayidan 31 mayigacha yangi shartnomalarni tuzish va avtomobillarni berish vaqtinchalik to‘xtatiladi.

GM Uzbekistan’ning xabar berishicha, inventarizatsiya yakunlangandan so‘ng, to‘langan shartnomalar bo‘yicha avtomobillarni tuzilgan shartnomalarda ko‘rsatilgan narxlarda yetkazib berish amalga oshiriladi.

Bobur Jalolov