«Ishq» filmining taqdimoti bo‘lib o‘tdi

Alisher Navoiy nomli kino saroyida rejissyor Fayzirahmon Usmonovning “Ishq” deb nomlangan filmining taqdimoti bo‘lib o‘tdi.

Taqdimotda musiqa va kino olamining mashhur vakillari, rejissyor, kino aktyor va aktrisalar jumladan Shaxriyor rep, Sherzodbek, Jamila G‘ofurova, Habibulla Nizomovlar tashrif buyurishdi.

Film rejissyori Fayzirahmon Usmonov so‘zga chiqib, film haqida, uning suratga olish jarayonlari haqida qisqacha gapirib, muxlislarga yoqimli tomosha tiladi. Shahriyor repper hamda xonanda Sherzodbek o‘zlarining musiqiy tabriklarini yo‘llashdi. Mazkur film Fayzirahmon Usmonovning ilk filmi bo‘lishiga qaramasdan muxlislar uni yaxshi kutib olishdi. Film 2 noyabrdan boshlab yurtmizning barcha kino teatrlarida namoyish qilina boshlaydi.