Istanbuldagi teraktga O‘zbekiston fuqarosi aloqadorligi aytilmoqda

Yangi yilga o‘tar kechasi Turkiyaning Istanbul shahridagi tungi klubda terakt amalga oshirilib, 39 kishi qurbon bo‘lgani, 69 kishi jarohatlangani haqida xabar bergan edik.
 
Mazkur teraktni “Islom davlati” terrorchilik guruhi o‘z bo‘yniga oldi. Bu haqda RIA Novosti xabar bermoqda. 
 
Taxminlarga qaraganda, Reina tungi klubiga kirib, qurolli hujum uyushtirgan shaxs O‘zbekiston yoki Qirg‘ziston fuqarosi bo‘lib, u IShIDning a’zosi sanalgan.
 
Klubda 700 kishi bo‘lgan. Kalashnikov quroli bilan o‘t ochgan Santa klaus kiyimidagi terrorchi avtomobilga o‘tirib qochishga ulgurgan.
 
Turkiya Ichki ishlar vazirligi bergan ma’lumotlarga qaraganda, qurbon bo‘lganlarning 16 nafari xorij fuqarolaridir.