Главная » 2022 » Август » 6 » Jizzaxdagi mudhish YTHda 5 kishi halok bo‘ldi

---

19:21 Jizzaxdagi mudhish YTHda 5 kishi halok bo‘ldi

Kecha, 5 avgust kuni Jizzax viloyatining Forish tumanida Isuzu yuk mashinasi va Nexia-2 to‘qnashdi. Oqibatda 5 kishi vafot etdi. Bu haqda viloyat IIB xabar berdi. YTH 5 avgust kuni soat 7:00 lar atrofida Jizzax viloyatining Forish tumani hududidan o‘tgan 4R-36 “Jizzax-Forish-Qizilcha” avtomobil yo‘lining 46-kilometrida yuz bergan. 1976 yilda tug‘ilgan, Qashqadaryo viloyati Kitob tumani Beshkaltak mahallasida yashovchi fuqaro boshqaruvida bo‘lgan Isuzu rusumli mashinani Jizzax-Forish yo‘nalishida boshqarib ketayotganda uxlab qolishi natijasida qarama-qarshi yo‘nalishga chiqib ketgan va Forish tumani Sayyod mahalla Jayraxona qishlog‘ida yashovchi fuqaro boshqaruvida bo‘lgan Nexia-2 rusumli avtomobil bilan to‘qnashgan. YTH oqibatida Nexia-2 haydovchisi, uning 4 nafar yo‘lovchisi voqea joyida vafot etgan. Manba: "qalampir.uz"

1 2 3 4 5 Категория: Mahalliy Habarlar | | Теги: kishi, Jizzaxdagi, Mudhish, YTHda, bo‘ldi, Halok | Рейтинг: 0.0/0