«Kalmar o‘yini» seriali «Netflix»ga qancha daromad keltirdi?

Janubiy Koreyaning «Kalmar o‘yini» seriali barcha reyting va rekordlarni uryapti. Bir oy avval chiqqan ushbu loyiha o‘zi start olgan maydon — «Netflix»ga juda katta daromad keltiradi.

Hozirgacha olingan ma’lumotlar tahlili asosida ekspertlar serial «Netflix»ga 891 mln. dollar keltirishini chamalashyapti. Solishtirish uchun: bu «Kalmar o‘yini»ga sarflangan 21,4 mln. dollardan 40 baravar ko‘p!

Serialga ulangan 132 mln. akkauntdan 87 millioni faslni oxirigacha tomosha qilgan. Bu umumiy ko‘rsatkichning 66 foizini tashkil etadi.