Kollej va texnikumlarga kirish imtihonlarining natijalari qachon e’lon qilinishi aytildi

Ertaga, 17 dekabr kuni2020/2021 o‘quv yilida kollej va texnikumlarga o‘qishga kirish istagida bo‘lgan abituriyentlar ishtirokida o‘tkazilgan saralash imtihonlari (test sinovlari, yozma va kasbiy (ijodiy) imtihon) natijalari e’lon qilinadi.

Oliy va o‘rta maxsus ta’lim vazirligining ma’lum qilishicha, abituriyentlar saralash imtihonlari natijalarini o‘zlari hujjat topshirgan ta’lim muassasalarida bilishlari mumkin.

Shuningdek, Davlat test markazining rasmiy veb-sayti www.dtm.uz orqali ham test sinovlari natijalari bilan tanishish mumkin bo‘ladi.