Koronavirusga chalingan futbolchi uyiga ayol kishini taklif qilib, “qo‘lga tushdi”

Londonning "Chelsi" jamoasi hujumchisi Kallum Xadson-Odoi polisiya tomonidan izolyasiya rejimini buzganligi uchun hibsga olindi.

“The Sun” xabariga ko‘ra, 19 yoshli ingliz futbolchisi ijtimoiy tarmoqlarda bir ayol bilan tanishib qolgan va unga mashina jo‘natib, G‘arbiy Londondagi uyiga taklif qilgan.

Ertasi kuni tongda esa o‘zini yomon his qilgan mehmon “Tez yordam”ga qo‘ng‘iroq qilgan, voqeadan xabar topgan polisiyachilar futbolchining uyiga borib, izolyasiya rejimini buzganligi uchun hibsga olishgan.

Avvalroq, mart oyida Xadson-Odoining koronavirusga chalinganligi haqida xabar berilgan edi.