Kunjutli kulchalar pishiramiz

Uyda tayyorlangan kunjutli kulchalarni butun oila bemalol nonushtada ham tanovul qilishi mumkin. Kulchalarning mazasi xuddi nonlarga o‘xshaydi.

Ko‘rsatilgan miqdordagi masalliqlardan o‘rtacha kattalikdagi 16 dona kulcha chiqadi.

Xamiri uchun:

suv 300 ml

zaytun yog‘i 2 osh. q.

shakar 1 osh. q.

tuz 1 ch. q.

yangi xamirturush 20 g

1-nav un 500 g

Kulchalarni moylash uchun:

tuxum sarig‘i 1 dona

suv 1 osh. q.

Kulchalarga sepish uchun:

qora kunjut 2 chimdim

kunjut 2 chimdim

1-qadam

Iliq suv solingan idishda xamirturush, tuz, zaytun yog‘i va shakarni aralashtiramiz, uning ustiga 500 gramm unni bo‘lib-bo‘lib elaymiz. Biroz unni elaymiz — xamirni aralashtiramiz, yana elaymiz — aralashtiramiz, 500 gramm un tamom bo‘lguncha shu tarzda davom ettiramiz.

2-qadam

Endi xamirni taxta ustiga qo‘yamiz, bir-ikki chimdim un sepamiz va 10 daqiqa qoriymiz. Qorish jarayonining oxirida xamirning qayishqoq, juda yumshoq bo‘lganini sezasiz.

3-qadam

Xamirni pishitgandan keyin yana idishga qo‘yamiz, ustini sochiq bilan yopamiz va yaxshiroq ko‘tarilishi uchun issiq joyga 1,5-2 soat qo‘yib qo‘yamiz.

4-qadam

Xamir ko‘tarilgach, uni yana pishitamiz va bo‘lakchalarga ajratamiz (16 dona).

5-qadam

Bu bo‘lakchalardan kulchalar yasaymiz, tova ichiga to‘shalgan pergament ustiga joylashtiramiz va issiq joyga 30 daqiqa ko‘tarilish uchun qo‘yamiz. Bu vaqt ichida duxovkani 180°C da yoqib qo‘yamiz. Kulchalar ko‘tarilguncha, duxovka qiziydi.

6-qadam

Kulchalar hajmi kattalashgani uchun ular bir-biriga tegib qoladi. Bu qo‘rqinchli emas, pishib chiqqandan keyin bir-biridan osongina ajraladi.

7-qadam

Endi tuxum sarig‘ini 1 osh qoshiq suv bilan aralashtiramiz va kulchalarga suramiz. Kunjut sepamiz, ba’zilariga och rangli, ba’zilariga esa qora kunjut sepamiz.

8-qadam

Duxovka ichiga qo‘yamiz va 30—35 daqiqa davomida pishirib olamiz.

Yoqimli ishtaha!

Manba: “Xitrosti jizni”