Lionel Messi: “U men uchun juda xursand bo‘lardi”

PSJ futbolchisi terma jamoa safida Diego Maradonaning rekordini yangilagani haqida gapirdi.

Polshaga qarshi o‘yin (2:0) hujumchi uchun Jahon chempionatidagi 22-o‘yin bo‘ldi. PSJ sharafini himoya qilayotgan hujumchi Jahon chempionatlarida o‘yinlar soni bo‘yicha Diego Maradonadan o‘zib ketdi va argentinaliklar uchun rekord o‘rnatdi.

“Men bu haqda yaqinda bildim. Bunday rekordga ega bo‘lish juda yoqimli.

O‘ylaymanki, Diego men uchun juda xursand bo‘lardi, chunki u menga doimo katta muhabbat bilan munosabatda bo‘lgan. U men uchun ishlar yaxshi ketayotganida doim xursand bo‘lardi”, – deydi Messi.