Luis Enrike: “Portugaliyada Ispaniyadan ko‘ra yaxshiroq futbolchilar bor”

Ispaniya terma jamoasi murabbiyining fikricha, ispanlar Portugaliyadan kuchsizroq.

Bu fikrni Ispaniya terma jamoasi ustozi Millatlar ligasining so‘nggi turida Portugaliya bilan o‘yin oldidan aytib o‘tdi.

“Portugaliyada Ispaniyadan yaxshiroq futbolchilar bor. Ularning futbolchilari Premyer-liga, La Liga va boshqa chempionatlardagi klublarning asosiy tarkibida maydonga tushishadi.

Portugaliyada o‘yinchilarning katta tanlovi bor, shuning uchun ular bilan o‘ynash juda qiziqarli bo‘ladi. Umid qilamanki, har ikki jamoa ham Jahon chempionatida yaxshi o‘yin ko‘rsatadi”, — dedi Enrike.

Ispaniya va Portugaliya uchrashuvi bugun bo‘lib o‘tadi va Toshkent vaqti bilan 23:45da boshlanadi.