Mbappe murabbiyning qaroriga qaramasdan Tunisga qarshi oʻyinda maydonga tushmoqchi

Kilian Mbappe tanaffus uchun Fransiyaning Tunisga qarshi bahsini oʻtkazib yubormoqchi emas.

LʼÉquipe xabariga koʻra, rejalashtirilgan rotatsiyaga qaramay, 23-yoshli hujumchi dam olishdan koʻra maydonga tushishni afzal koʻradi.

Fransiya terma jamoasining Tunis bilan oʻyinida Daniya bilan oʻyinda dastlabki daqiqalardanoq harakat qilgan futbolchilardan 6 tagacha almashtirish boʻlishi kutilmoqda.

Xususan, Eduardo Kamavinga chap qanot himoyachisi sifatida oʻynay oladi. Luka Ernandes jarohatidan soʻng, Fransiyada himoyaning chap qanotida oʻynay oladigan birgina futbolchi qoldi — Teo Ernandes. Didye Desham “Milan” futbolchisi jarohat olgan taqdirda, Kamavingani shu pozitsiyada sinab koʻrmoqchi.

Eslatib oʻtish mumkin, Fransiya terma jamoasi guruh bosqichining ikki turi yakunlariga koʻra JCh-2022 1/8 finaliga yoʻllanmani kafolatlagan edi.

Maʼlumot oʻrnida, Ushbu jahon chempionatida Mbappe 2 ta oʻyinda 3 ta gol va 1 ta golli uzatmani amalga oshirdi.

Qayd etish mumkin, Fransiya va Tunis oʻrtasidagi oʻyin 30-noyabr kuni Toshkent vaqti bilan 20:00da boʻlib oʻtadi.