11:44 MYUdan ketgan Ronaldu “Nyukasl” va “Saudiya An-Nasr” o‘rtasida tanlov qiladi | |
Kecha, 22-noyabr kuni “Manchester Yunayted” bilan hamkorligini yakunlab, erkin agentga aylangan portugaliyalik hujumchi Krishtianu Ronaldu Angliya chempionatida qolishi yoki Saudiya Arabistoni klubiga o‘tishi mumkin. Marca xabariga ko‘ra, hujumchiga “Nyukasl” va “An-Nasr” da’vogarlik qilmoqda. E’tiborlisi, har ikki jamoaning egasi Saudiya Arabistoni valiahd shahzodasi Muhammad bin Salmondir. Oldinroq Ronaldu jurnalist Pirs Morganga shov-shuvli intervyu berib, unda “qizil iblislar” bosh murabbiyi Erik ten Xag, jamoaning sobiq ustozi Ralf Rangnik va sobiq jamoadoshi Ueyn Runi haqida salbiy fikr bildirgan edi. Qayd etish mumkin, Ronaldu “Manchester Yunayted” safida 346 ta o‘yinda 145 ta gol urgan. Ma’lumot o‘rnida, Ronaldu Qatardagi jahon chempionatida Portugaliya terma jamoasini himoya qilmoqda.
Manba: "xabardor.uz"
| |
|