Shavkat Mirziyoyev va Shahboz Sharif o‘rtasida muzokaralar bo‘lib o‘tmoqda

Ayni paytda O‘zbekiston va Pokiston yetakchilarining muzokaralari o‘tmoqda. Prezident Shavkat Mirziyoyev va Bosh vazir Shahboz Sharif o‘zaro savdo hajmini oshirish va sanoat kooperatsiyasi loyihalarini ilgari surish imkoniyatlarini muhokama qilmoqda.

Tovar ayirboshlashni oshirish, boshlangan loyihalarni jadallashtirish, investitsiyalar portfelini kengaytirish masalalari, transport o‘zaro bog‘liqligini kuchaytirish rejalari va ko‘plab boshqa amaliy jihatlar - O‘zbekiston va Pokiston rahbarlari uchrashuvining kun tartibida.