Nafas siqilmayotganini qanday aniqlash mumkin?

Bugun AOKA huzuridagi shtabda Koronavirusga qarshi kurash shtabi a’zosi Barno Abdusamatova ishtirokida brifing bo‘lib o‘tdi. Brifingda aholi murojaati va savollari yuzasidan javob qaytarildi.

Savol: Shifokor mendan nafasim siqilmayotganini so‘radi. Buni qanday aniqlasa bo‘ladi?

Javob: Nafas siqilishi - bu havo yetishmasligini his qilish. nafas olish tezligi, xotirjamlikda daqiqasiga 22 ta nafas olish bo‘lishi lozim.

Nafas chastotasini xotirjam holatda o‘lchash uchun quyidagilarni bajarish zarur:

• - Sekundomer yoki qo‘l soatini oling yoki uyali telefoningizda sekundomerni yoqing;
• - agar bu vaqtgacha harakatda bo‘lgan bo‘lsangiz 5 daqiqa dam oling;
• - o‘tirgan yoki yotgan holda qo‘llaringizni ko‘ksingizga qo‘ying;
• - ko‘krak qafasingizni harakatlantirib necha marta nafas olishingizni sanang;
• - 1 daqiqadan so‘ng sanashni to‘xtating. Katta kishilarda normal nafas olish chastotasi 12-18 ta bo‘ladi.

Agar ko‘rsatkichlar 22 tadan ko‘p bo‘lsa shifokorga murojaat qiling - bu nafas olishda muammo borligini ko‘rsatadi.