“O‘qrayib qarash”ning oqibati pichoqbozlik bilan tugadi

Navoiy viloyati. 2021 yilning 25 mart kuni soat 02:30 larda aka-uka 30 yoshli Jaloliddin N., va 27 yoshli Jamoliddin N.,lar boshqaruvidagi “Nexia-Ravon” rusumli avtomashinasida Navoiy shahar I.Karimov ko‘chasida joylashgan “Amfiteatr” majmuasi qarshisidagi chorrahada harakatlanib ketayotganlarida ular bilan yonma-yon harakatlanib kelayotgan “Malibu” rusumli avtomashina haydovchisi 28 yoshli Umid X., bilan bir-biriga “nega o‘qrayib qariysan” deb avtomashinalarini chekkaga to‘xtatib, hech bir sababsiz o‘zaro janjallashganliklari oqibatida Umid X.,ning o‘ng oyoq son sohasiga pichoqcha bilan bir necha marotaba urib jarohat yetkazganlar.

Mazkur holat yuzasidan Navoiy shahri bo‘yicha IIO FMB huzuridagi Tergov bo‘limi tomonidan Jaloliddin N., va Jamoliddin N.,larga nisbatan O‘zbekiston Respublikasi JKning 277-moddasi 2-qismi “a, B, v” bandi (Bezorilik, ya’ni  bir guruh shaxslar tomonidan sovuq qurol bilan badanga o‘rtacha og‘ir shikast yetkazish)  bilan jinoyat ishi qo‘zg‘atilib, gumon qilinuvchi tariqasida jalb qilinganlar.

Hozirda tergov harakatlari olib borilmoqda.