“Qamchiq” dovonida shamol aralash qor yog‘moqda

Ayni vaqtda "Qamchiq" dovonida shamol aralash mayda qor yog‘moqda. Bu haqda Favqulodda vaziyatlar vazirligi ma’lum qildi.

Vazirlik xabariga ko‘ra, shu sababdan yo‘lni qordan tozalash va muzlamalar hosil bo‘lishining oldini olish, qum-tuz sepish ishlarini muvofiqlashtirib borilmoqda.

Shu o‘rinda, FVV yo‘l transport hodisalari bilan bog‘liq favqulodda vaziyatlarning oldini olish maqsadida, dovon hududida harakatlanishda haydovchilardan barcha xavfsizlik choralarini ko‘rishlarini so‘rab qoladi.