Qoʻqonda yirik yongʻin sodir boʻldi

Bugun, 22-sentyabr kuni soat 04:00-05:00 lar oraligʻida Qoʻqon shahridagi A. Navoiy koʻchasida joylashgan ishlab chiqarish korxonasida yongʻin yuzaga kelgani haqida oʻt oʻchirish xizmatiga xabar kelib tushgan.

Yongʻinni bartaraf etishga 13 ta yongʻin va qutqaruv guruhi jalb qilingan. Soat 07:20 da yongʻin butunlay oʻchirilgan.

Maʼlum boʻlishicha, binoning 300 kvadrat metrga teng tom qismi yonib ketgan. Hodisa natijasida halok boʻlgan va jabrlanganlar yoʻq. Yongʻin sabablari oʻrganilmoqda.