Ravon R4 sedani Ukraina bozorida rasman sotuvga chiqdi

Ukraina avtobozorida Ravon kompaniyasining R4 nomi ostidagi yangi sedani rasman sotila boshladi, deb yozadi “Review.uz”. Yangi sedan Chevrolet Cobalt negiziga qurilgan bo‘lib, Ukraina bozorida ikki xil modifikatsiyada taklif etiladi.

Ukraina bozorida Ravon R4’ning ham mexanik, ham avtomatik uzatish qutisiga ega versiyalari sotiladi. Birinchisi 106 ot kuchiga teng 1,5 litrli benzinli motor va besh pog‘onali “mexanika” bilan jihozlangan. Avtomatik uzatish qutisi bo‘lgan versiyaga esa olti diapazonli “avtomat” o‘rnatilgan.

Mexanik uzatish qutisiga ega Ravon R4 har 100 km yo‘lga 8,4 litr, “avtomat” esa — 10,4 litr yoqilg‘i sarflaydi.