“Real Madrid” Benzemaga o‘rinbosar topdi

Fransiyalik futbolchining “Qirollik klubi” bilan shartnomasi 2 yildan so‘ng tugaydi.

“Real Madrid” 2 yildan so‘ng “Manchester Siti” hujumchisi Erling Xolandni sotib olishga harakat qiladi.

As nashri xabariga ko‘ra, madridliklar “shaharliklar” ustozi Pep Gvardiolaning Xolandning shartnomasida “Real”ga o‘tish bandi yo‘qligini e'lon qilgan gaplaridan xavotirda emas.

Madrid klubida norvegiyalikni 2 yildan keyin 180 million yevroga sotib olish mumkinligi haqida ma'lumot bor.

“Real Madrid”ning rejasiga ko‘ra, Xoland bilan aloqani 2024-yilda tiklash, shu vaqtgacha Karim Benzemaning shartnomasi tugaydi.

“Real Madrid” futbolchini Madriddagi hayot Manchesterdagidan yaxshiroq ekanligiga, shuningdek, “Real Madrid”da o‘ynash obro‘liroq va martaba uchun foydaliroq ekanligiga ishontirmoqchi.